✨ Запрашаем у магічную музычную вандроўку адчуць прыгажосць, моц і энергію беларускай песні разам з музыкам Яўгенам Курыльчыкам. 16 лістапада пройдзе прэзентацыя фольк-альбома «U HAJU» — першага альбома праекта YAŪGEN, які ўвабраў у сябе 9 беларускіх народных песен, пераасэнсаваных у неафолькавым гучанні. Альбом атрымаўся вельмі разнастайным, песні гучаць у рознахарактарных стылях — ад шаманскай медытацыі да лірычнай балады. Слухаючы яго, можна адправіцца ў своеасаблівае падарожжа, вандроўку па гістарычных месцах ды казачных магічных прасторах. 🎶 Кожны кампанент альбома — дудкі, бубен, гітара, перкусія, галасы — дадае ў песні сваю чароўную атмасферу, у якой раскрываецца культурны код і цячэ энергія продкаў. Збяромся ва ўтульнай лампавай атмасферы, дзе будзе месца адпачынку, творчасці, танцам і запавольванню пад гукі розных традыцыйных інструментаў з усяго свету. Канцэрт ладзіцца ў межах праграмы фестывалю інтэлектуальнай кнігі PRADMOVA у Варшаве. Чакаем вас! 〰️ 16.11 〰️ 19:00 (дзверы 18:30) 〰️ Месца сустрэчы: Prześwit — projekt Kolektywnej Instytucji Kultury zainicjowany i działający w ramach Fundacji Prześwit. ❤️ Уваход: за данаты.

Eugene Kurilchik

Event host