12 жніўня 17:00 Квіткі: https://taplink.cc/inex_fest Паказ дыяфільмаў паводле казак сучасных беларускіх аўтараў для дзецей ад 5 год і дарослых! Фармат дыяфільмаў у першую чаргу адсылае гледача да часоў, калі дыяфільмы былі вельмі папулярнымі. Сёння яны ўспрымаюцца хутчэй як рэтра-з’ява. Беларускі праект “Дыяфільм live” ужо больш за 5 гадоў паказвае старыя дыяфільмы — на вялікім экране, у аўтарскай інтэрпрэтацыі, з жывой музыкай і аўтарскай агучкай. Праграма “Беларускія казкі на стужках” — гэта вынік плённай працы вялікай аб’яднанай групы людзей. А ўнікальнасць праекту ў тым, што стужкі з дыяфільмамі былі спецыяльна створаныя для гэтага паказу. Казкі сучасных беларускіх пісьменнікаў і паэтаў былі ілюстраваны малюнкамі сучасных беларускіх мастакоў, сфатаграфаваныя на стужкі ў фармаце “дыяфільм”, а пасля агучаныя праектам “Дыяфільм live“.  У праграме казкі і вершы Надзеі Ясмінскай, Вольгі Гапеевай, Андрэя Хадановіча і Андрэя Скурко. Паказ ажыццяўляецца пры падтрымцы Тэатральнага Інстытуту імя Збігнева-Рашэўскага.

Piotr Niepahoda

Event host

INEXKULT

Club of the event